Дзеці згулялі другія матчы Вярнуцца да спісу
Учора нашы малодшыя два ўзросту сваімі матчамі адкрывалі другі тур юнацкага першынства краіны. Гродзенцы адправіліся ў госці да «Іслачы», якая ўпершыню выступае ў мацнейшай дзіцячай лізе. Больш за тое, ваўкі прапускалі першы тур, у якім павінны былі згуляць супраць мінскага РЦАР, таму матчы супраць гродзенскага клуба сталі для гэтых двух узростаў дэбютнымі.
Матч каманд 2001 года нараджэння (пратакол) атрымаўся вельмі упартым, і, практычна, без галявых момантаў. Гродзенцы мелі перавагу і былі крышачку бліжэй да перамогі, за што і былі ўзнагароджаныя ў самым канцы сустрэчы.
Выйшаў на замену Кануннікаў і на апошняй хвіліне сустрэчы паставіў пераможную кропку і прынёс першыя тры ачкі камандзе Віктара Юйко. Дарэчы сказаць, што дзетак каманды суперніка ў якасці галоўнага трэнера на сустрэчу вывеў Дзмітрый Макар, які раней гуляў за «Нёман».
Куды цікавей прайшла сустрэча самых малодшых складаў. Падапечныя Артура Крываноса цалкам кантралявалі ход паядынку, забілі два мячы (галы - Сучкоў і Пакачайло), а сваю браму пакінулі ў недатыкальнасці і на дадзены момант падняліся на першае месца ў турнірнай табліцы.
Маглі хлопцы выйграць і з больш буйным лікам, але некалькі небяспечных момантаў не рэалізавалі, у тым ліку і яшчэ адзін адзінаццаціметровы.
Фота і відэа ў навіны: footbik.by
