Новы стары супернік Вярнуцца да спісу

З тых гульцоў, хто гуляў у матчы першага тура супраць жоўта-зялёных, у «Граніце» ужо нікога не засталося. Клімовіч, Луцэвіч, Трухаў, Кірыльчык, Шэрякоў, Кібук, Яўсеенка, Бабырь, Лісіца, Зянько, Ігнаценка, Юсаў, Галяткін, Касмынин... Апошнім пакінуў мікашэвіцкі клуб галкіпер Дзмітрый Дудар, які днямі далучыўся да «Слуцку». У гісторыі беларускага футбола такога масавага зыходу з адной каманды ў паўзе паміж коламі чэмпіянату ўзгадаць складана.

Тым не менш, каманда працягне выступ, бо свята месца пуста не бывае. На дапамогу клубу прыйшоў расіянін Андрэй Грушын, які на дадзеным этапе выконвае ролю спартыўнага дырэктара клуба.

Футбольны агент з Масквы з'яўляецца выхаванцам маскоўскага «Спартака». Праўда яго футбольная кар'ера была нядоўгай, але насычанай. Выратавальнік «Граніту» пагуляў у чэмпіянатах Нарвегіі, Германіі, Чэхіі і Тайланда. На сігнал SOS пацягнуліся з усіх канцоў свету, куды гэты сігнал даляцеў. Паскрэбла па засеках Першай Лігі, пашукалі першынство дублёраў, зазірнулі ў аматарскі чэмпіянат Расіі, адправілі ганцоў ў Беларусь. А калі гульцоў зноў сабраўся камплект, Грушын абнадзеіў заўзятараў клуба сказаўшы, што каманда гатовая змагацца за тройку: «Усяго толькі шэсць ачкоў адставання, і я не бачу ніякіх перашкодаў для маладых гульцоў. Яны нікога не спалохаюцца».

Поўное прэвью на старонках матча «Граніт-Мікашэвічы» - «Нёман»

• Вынікі галасавання

  «Граніт-Мікашэвічы» - «Нёман»: прадскажы вынік сустрэчы

  • перамога гаспадароў
    13%
  • нічыя
    11%
  • перамога гасцей
    76%