Рыхтуемся да «Нафтану» Вярнуцца да спісу

Рыхтуецца наша каманда да апошняга матчу першага круга з «Нафтанам» у рэжыме з двума трэніроўкамі ў дзень. Вячэрняя стартавала ў 18:45, была ударнай і доўжылася роўна адну гадзіну і пятнаццаць хвілін.

За пару гадзін да пачатку заняткаў у Гродна завітала здымачная брыгада перадачы «Время футбола» на чале з Мікалаем Хадасевічам. Лёгкае інтэрв'ю галоўнага трэнера было запісана яшчэ на стадыёне, а пакуль хлопцы атрымлівалі ўстаноўку на вячэрні занятак, аб'ектам цікавасці ТБ стаў Бебе.

Камерунец, які атрымаў траўму ў матчы з мінскім «Дынама», хуткімі тэмпамі ідзе на папраўку і ўжо на наступным тыдні прыступіць да трэніровак. А пакуль ён наведвае ўсе заняткі каманды і толькі глядзіць за дзеяннямі рабят. Вось тут-то яго і злавілі ТБ. Глядзіце рэпартаж пра нашу каманду на наступным тыдні, хутчэй за ўсё ў панядзелак.

Пакуль Бацюта з Кірэня працаваў з асноўнай групай, дзе другія нумары атакавалі, а першыя працавалі над рухам і перамяшчэннем пры абароне, а пры перахопе - над хуткім выхадам у атаку, Ігар Кавалевіч заняўся падрыхтоўкай нападнікаў.

Канцавы і Васілюк напрацягу паўгадзіны адпрацоўвалі ўдары слёту. Падачы з розных флангаў ішлі адна за адной, у гэтым галоўнаму трэнеру дапамагаў Барысейка, а форварды падладжваліся пад перадачы і завяршалі. Без абаронцаў у хлопцаў атрымлівалася даволі нядрэнна - пасля кожнага трэцяга ўдару мяч ўлятаў ў сетку брамы. Траціну адлюстроўваў Жураў, астатняе ляцела міма.

Пасля ўз'яднання жоўтыя і аранжавыя папрацавалі з мячом без брамы, а за 10-15 хвілін да заканчэння згулялі міні-матч, у якім забілі па галу і разышліся мірам.

Да вельмі важна для нас матчу засталося крыху больш за 2 дні.