«Нёман» -д - «Слуцк» -д: перамога Вярнуцца да спісу

Сёння ў Гродна згуляюць дублёры гродзенскага «Нёмана» і «Слуцка». Гаспадары будуць імкнуцца да перамогі. Гэтаму будуць спрыяць некалькі дадатковых фактараў, акрамя само сабой відавочнасці жадання перамагаць ва ўсіх матчах. Па-першае, гродзенцы ў матчах чэмпіянату яшчэ ні разу не перамагалі дубль слуцкай каманды. Па-другое, бяспройгрышная серыя жоўта-зялёных складае ўжо 8 матчаў, а пераможная - 3 матчы. Па-трэцяе, «Нёман» дыхае ў спіну тройцы лідэраў і адпускаць іх зусім ужо няма ніякага жадання.

Перад сённяшнім матчам гродзенцы з 23-і ачкамі займаюць чацвёртую пазіцыю ў турнірнай табліцы, а Слуцк маюць на сваім рахунку 15 ачкоў, што дазваляе займаць 11-е месца.

Слуцкі дубль гуляе нашмат больш паспяхова, чым у два папярэднія гады свайго знаходжання ў першынстве дублёраў. У 2014 і 2015 гадах бела-сінія займалі апошнія выніковыя месцы, атрымаўшы ў кожным з сезонаў па адной перамозе. Зараз жа, па сканчэнні 13 тураў, случчакі маюць 4 перамогі і 3 нічыіх. Нашыя сённяшнія госці ў 13 матчах забілі 10 мячоў (0,77 за гульню), прапусціўшы пры гэтым 22 мячы (1,69 за гульню).

Паказчыкі забітых і прапушчаных мячоў нашай каманды: у 13 матчах забіта 17 галоў (1,31 за гульню), прапушчана 13 (1,00 за гульню).

Гульні дубля суперніка ў чэмпіянаце: «Славія-Мазыр» (г; 1:0), «Тарпеда-БелАЗ» (д; 1:3), «Гарадзея» (г; 0:1), «Шахцёр» (д; 0:4), «Дынама-Мінск» (г; 0:5), БАТЭ (г, 0:4), «Нафтан» (г; 1:0), «Граніт-Мікашэвічы» (г; 3:1), «Крумкачы» (д; 1:1), «Віцебск» (г; 1:1), «Дынама-Брэст» (д; 1:1), «Мінск» (г; 0:1), «Белшына» (д; 1:0). Дзесяць забітых случакамі ў чэмпіянаце мячоў размеркаваліся паміж трыма гульцамі: 4 забіў Павел Дзямідчык, па 3 мяча - Вадзім Антанюк і Мікіта Радкевіч.

У нашай камандзе вызначыліся ў чэмпіянаце 7 гульцоў: 8 мячоў забіў Ян Сенкевіч, 3 - Аляксей Лукашык, 2 - Максім Кругленя і Мікіта Чайка, па 1 - Аляксей Носко і Аляксандр Буцько.

У 2014 годзе гродзенскі дубль чатыры разы гуляў супраць рэзервістаў слуцкай каманды. Ва ўсіх матчах перавага жоўта-зялёных было проста пераважнай, аднак у матчах чэмпіянату абодва разы была зафіксаваная нічыя. У першым туры ў Гродна каманды згулялі 1:1 (П.Забелін 37-пен - Я.Барысевіч 70), у 12-ым туры ў Слуцку быў зафіксаваны идэнтычны вынік - 1:1, толькі адыгрывацца прыйшлося ужо нашым хлопцам (А.Гардзейчык 16 - П.Забелін 90 +2). У двух гульнях, якія праходзілі ўжо ў розыгрышы кубка дублёраў, гродзенцы раззлаваліся і разграмілі суперніка. У гасцях случчакі былі бітыя з лікам 3:0 (В.Журневіч 4, 84, А.Лукашык 77 - ххх), а дома з лікам 5:1 (А.Лукашын 1, П.Забелін 14-пен, М.Чайка 81 , А.Сарокін 83, 89 - Я.Барысевіч 71). У мінулым сезоне ў матчах чэмпіянату зноў двойчы была зафіксавана нічыя. У Гродна каманды мячоў не забілі, а ў гасцях нічыя была выніковай - 2:2 (А.Рахімаў 57, 86 - Ю.Гольцаў 48, П.Цеслюкевіч 59). З тых, хто забіваў дублю «Слуцка» у камандзе засталіся В.Журневіч, М.Чайка і А.Сарокін. З гэтых трох папоўніць свой багаж забітых мячоў сёння зможа толькі Мікіта Чайка. Журневіч у дублі сёлета амаль не гуляе, а Сарокін атрымаў у матчы супраць «Гарадзеі» траўму.

НЁМАН-д (Гродна) — СЛУЦК-д (Слуцк) – 3 : 0 (2 : 0)

Нёман: Шышлоў - Беценя, Лысенка, Хвалько, (к) Квенцар - Носко Аляксей, Агурцоў - Чайка, Сенкевіч, Кругленя - Буцько. Запасныя: Агапаў - Капко, Сырыська, Васкабойны, Усовіч, Семяновіч, Снігіра.

Слуцк: Рудзенок - Міхновец, Жук, Рахімаў, Крот, (к) Барысевіч, Радкевіч, Вакуліч, Хоцько, Антанюк, Далгаполаў. Запасныя: Статкевіч - Лешчанка, Леус, Курлович, Линник, Башкевич, Беспалаў.

Галы: 1:0 - Я.Сенкевіч (3), 2:0 - А.Буцько (42), 3:0 - М.Кругленя (51)

На 85-й хвіліне В.Курловіч не рэалізаваў адзінаццаціметровы ўдар (мяч трапіў у папярэчыну).

Справаздача матчу і поўны пратакол сустрэчы даступны на старонках матча «Нёман»-д - «Слуцк»-д