Віншуем з юбілеем! Вярнуцца да спісу
Віншуем з 75-годдзем нашага слаўнага ветэрана, жадаем моцнага здароўя і доўгіх гадоў жыцця! Леанід Уладзіміравіч прыйшоў у гарадзенскую каманду ў 1965 годзе з мінскага СКА і выступаў за «Нёман» на працягу 5 сезонаў - з 1965 па 1969 год. Быў капітанам каманды, двойчы ўваходзіў у спіс 22-х лепшых футбалістаў БССР каманд майстроў класа «Б», правёў за клуб 116 матчаў у чэмпіянаце СССР і забіў 19 галоў.
У красавіку 1967 году атрымаў ганаровае званне Майстра спорту СССР, а пасля заканчэння гэтага ж сезона разам з камандай стаў пераможцам пераходнага турніру за права выступу ў другой групе класа «А».
Пасля заканчэння гульнявой кар'еры Крываносаў застаўся ў футболе. У 1975 і 1976 быў трэнерам асноўнай каманды майстроў гарадзенскага «Хіміка», да 1980 года судзіў матчы чэмпіянату горада і вобласці, з 1993 па 2007 год інспектаваў матчы чэмпіянату Беларусі.
Больш падрабязна пра кар'еру і дасягненнях нашага гульца і трэнера ў любы момант можна даведацца на старонцы раздзела ЖЗЛ. Жоўта-зялёныя людзі: Леанід Крываносаў.
Дзякуй, Леанід Уладзіміравіч! З юбілеем Вас!
