Развітальны матч Кавалёнка Вярнуцца да спісу
Легенда гродзенскага футбольнага клуба «Нёман» Дзмітрый Кавалёнак, які стаў за доўгія гады выступу адным з яго сімвалаў, згуляе ў нядзелю свой апошні матч у складзе жоўта-зялёных.
Дзмітрый дэбютаваў у складзе гродзенскага клуба больш за 16 гадоў таму, упершыню выйшаўшы ў футболцы «Нёмана» на поле 11 красавіка 2001 года. За гэты час Кавалёнак адыграў за жоўта-зялёных на працягу чатырнаццаці сезонаў, усталяваўшы два самых галоўных камандных рэкорду ў найноўшай гісторыі клуба: згуляў у чэмпіянаце Беларусі больш за ўсіх матчаў – 291, а таксама забіў у чэмпіянаце больш за ўсіх галоў – 68. Нападнік чатыры разы станавіўся лепшым бамбардзірам сезону (2002, 2003, 2008, 2010). Калі лічыць, што пераможны гол гульца прыносіць камандзе 2 ачкі, а апошні гол каманды ў матчы, які дазволіў звесці матч унічыю – прыносіць 1 ачко, то з 68 забітых нападнікам мячоў, вырашальнымі ў матчах сталі 33. Дакладныя ўдары Кавалёнка паклалі ў скарбонку клуба 53 ачкі.
У срэбным сезоне 2002 года Дзмітрый забіў 11 мячоў, пяць з якіх прынеслі камандзе 9 ачкоў. У розыгрышах Кубка Беларусі нападнік згуляў за наш клуб 40 матчаў, у якіх адзначыўся 13 разоў. Двойчы з камандай даходзіў да фіналу розыгрышу. Усяго ж на наш клуб Дзмітрый сыграў 335 афіцыйных матчаў, забіў 81 мяч.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Дзмітрый Кавалёнак.
Запрашаем усіх на матч з «Шахцёрам», якім ў чэмпіянаце Кавалёнак забіваў толькі раз, у пераможным хатнім матчы ў 2002 годзе. Давайце аддзячым Дзмітрыя за доўгія гады выступу за гродзенскі клуб разам!
