«Нёман» з «Мінскам» рассудзіць Павел Каранец Вярнуцца да спісу
Камісія прызначэнняў дэпартамента судзейства і інспектавання АБФФ зрабіла прызначэнні судзейскіх брыгад на матчы 27-га тура Вышэйшай Лігі.
На гасцявы паядынак «Нёмана» з «Мінскам», які пройдзе ў нядзелю, 29 кастрычніка прызначаная брыгада на чале з арбітрам нацыянальнай катэгорыі Паўлам Каранцом з Віцебска. Дапамагаць яму будуць Дзмітрый Загарэльскі і Максім Камароўскі (абодва - нк, Орша). Рэзервовы суддзя - Станіслаў Ананьеў (Віцебск). Інспектар - Генадзь Якубоўскі (Мінск).
28-гадовы арбітр дэбютаваў у Вышэйшай Лізе 27 лістапада 2016 года ў Мазыры, дзе мясцовая «Славія» адолела мінскае «Дынама» з лікам 1: 0. У тым матчы суддзя паказаў гульцам адразу 7 жоўтых картак - 3 гаспадарам, 4 гасцям. У гэтым сезоне на рахунку жодзінца яшчэ 11 адпрацаваных на гэтым узроўні матчаў. Статыстыка арбітра ў лізе: 40 папярэджанняў і 3 прызначаных пенальці.
Матчы «Нёмана» супраць «Мінска» раней не судзіў.
Рэферы 2 разы судзіў матчы з удзелам нашага клуба: +2=0-0, розніца мячоў 4-0. У гэтых матчах паказаў гродзенцам 4 жоўтых карткі. Супернікі жоўта-зялёных зарабілі за дзве сустрэчы 1 папярэджанне і адзін раз былі пакараныя адзінаццаціметровым ударам. Працэнт набраных гродзенцамі ў гэтых матчах ачкоў (зыходзячы з 3 ачкоў за перамогу): 100,00%. Абодва матчы з удзелам нашага клуба Каранец судзіў у гэтым годзе. У Гродне жоўта-зялёныя абгулялі «Крумкачы» і «Дняпро» з лікам 2:0.
Мінчукоў арбітр судзіў адзін раз, калі яны дома згулялі ўнічыю з «Крумкачамі» 0:0.
