«Нёман» — «Гарадзея»: прэс-канферэнцыя Вярнуцца да спісу
Сяргей ЯРОМКА (галоўны трэнер «Гарадзеі»):
— Хацеў бы павіншаваць «Нёман» з заслужанай перамогай. Скажам, можа быць лік і не вельмі заканамерны ў плане колькасці – 3:0, але тое, што перамога «Нёмана» заслужаная, аспрэчваць не буду. Я б сказаў, што мая каманда гуляе накшталт як і без ціску, задача ўжо выкананая. Але ў той жа час, як бы гэта правільна выказацца, напэўна, адразу за ўсё і шмат хочуць ад «Гарадзеі». Таму гэты адбітак, адбіўся на сённяшнім выніку. А так, апраўданняў няма. Ідзем далей, працуем.
Ігар КАВАЛЕВІЧ (галоўны трэнер «Нёмана»):
— Пагаджуся з Сяргеем, што не заўсёды лік адлюстроўвае тое, што адбываецца на полі. Але думаю, што на перамогу мы ўсё ж такі найгралі. Каманда «Гарадзея» правяла добры сезон, у іх было 11 гульняў без параз. Магутная, сілавая каманда, якая лепшая па стандартах. Мы настройваліся на цяжкую барацьбу. «Гарадзея» валодае фактурнымі гульцамі, якая даставіла нам шмат клопатаў. Нам удалося вытрымаць націск і давесці матч да перамогі. Віншую сваю каманду. Нам крыху не пашанцавала з «Тарпеда», калі мы прапусцілі пры добрай гульні на апошняй хвіліне. Але лепш адзін раз прайграць і адзін раз выйграць, чым два разы згуляць унічыю.
Больш пра сустрэчу каманд глядзіце на старонках матча «Нёман» — «Гарадзея»
