Пасля матчу ў Лунінцы Вярнуцца да спісу
Ігар КАВАЛЕВІЧ (галоўны трэнер «Нёмана»):
— У дадзенай сітуацыі, у якой апынулася каманда «Нёман», галоўнае – гэта набыццё трох ачкоў. Гэта самае важнае, чаго нам удалося дамагчыся. Гульня для нас была цяжкай, асабліва ў другім тайме. Хоць у нас былі моманты, каб забіць другі раней. Перамаглі ў адзін мяч і я вельмі рады перамозе. Жадаю поспехаў «Граніту». Нягледзячы на тое, што яны абнавіліся, у іх вельмі байцоўскі каманда. Тут яшчэ не адна каманда страціць ачкі.
Валерый БАХНО (галоўны трэнер «Граніта»):
— Віншую суперніка з перамогай. Каманда ў нас новая, маладая. Таму чакалі, што хлопцы будуць крыху скаваныя і гэта было відаць у першыя 15-20 хвілін. Такой канструктыўнай гульні ў нас не атрымлівалася. У абароне накшталт дзейнічалі больш-менш нармальна, але прапусцілі неабавязковы гол. У такой сітуацыі мы не мелі права прапускаць. Савіцкі апынуўся ў асяроддзі трох абаронцаў, але праштурхнуў мяч у браму. Лічу, што мы прапусцілі крыўдны мяч. У першым тайме больш дамінаваў супернік, мы ж аддалі тэрыторыю і стараліся дзейнічаць на контратаках. Аднак асаблівых контратак да перапынку ў нас не было. Перад другім таймам хлопцаў у распранальні разгрузілі. Пасля гэтага сталі гуляць спакайней, настырней і агрэсіўней. Мы стварылі тры добрыя моманты і павінны былі выціскаць. Але фартуна ў другім тайме ад нас адвярнулася. Галаву попелам пасыпаць не будзем. У нас яшчэ ёсць ўзмацнення: афрыканцы, плюс сёння не гулялі Забелін і Кавалюк. Гэтыя хлопцы ўзмацняць каманду, а мы з аптымізмам глядзім наперад. Будзем змагацца.
