Форма каманд: белыя футболкі і трусы — зялёныя футболкі, жоўтыя трусы.

Матч каманд пройдзе на жодзінскім стадыёне «Тарпеда», пачатак сустрэчы ў 17:00. Кошт квіткоў: 4 рублі (дзіцячы - 1,5).

Судзіць гэтую сустрэчу будзе навапалачанін Алег Мурашкевіч, для якога гэты матч у Вышэйшай Лізе стане 55. У папярэдніх 54-х гульнях Мурашкевіч 200 раз паказаў жоўтую картку і 7 разоў выдаліў гульца з поля, чатырох - паўторным папярэджаннем. Пенальці арбітр прызначаў 12 разоў. У матчах, на якіх працуе Мурашкевіч, гродзенцы выступаюць няўдала. З васьмі такіх сустрэч толькі адна завяршылася перамогай жоўта-зялёных, калі ў маі гэтага года нам удалося перайграць дома «Іслач» 2:1. Два разы навапалачанін ўжо судзіў матчы сённяшніх супернікаў. У кастрычніку 2013 года гродзенцы ў Жодзіна згулялі ўнічыю 0:0, а траўні 2015 году «Тарпеда» перайграла ў Гродна жоўта-зялёных 1:0. Агульная статыстыка Мурашкевіча ў гульнях нашай каманды выглядае наступным чынам: +1=2-5, рознасць мячоў 4-10.

Суддзі на лініі: Кірыл Пакулін (Віцебск) і Андрэй Сладзінскі (Баранавічы). Чацвёрты арбітр: Павел Каранец (Жодзіна). Інспектар матчу: Генадзій Якубоўскі (Мінск).

У чэмпіянаце каманды сустракаліся 37 разоў (+11=13-13, мячы 37-40), з іх на полі суперніка было згуляна 17 сустрэч (+3=5-9, мячы 15-25). У апошніх пяці сустрэчах гродзенцы не забілі жодзінскай камандзе ніводнага мяча, а ў гасцях апошні раз забівалі 18 жніўня 2013 года (Іван Садаўнічы).

Поўная статыстыка супрацьстаяння «Нёман» — «Тарпеда-БелАЗ»

• Вынікі галасавання

  «Тарпеда-БелАЗ» - «Нёман»: прадскажы вынік сустрэчы

  • перамога гаспадароў
    15%
  • нічыя
    38%
  • перамога гродзенцаў
    46%

ІНФО

- самая буйная перамога «Нёмана» у матчах з тарпедаўцамі была здабытая 12 жніўня 2012 года ў гасцях. Жоўта-зялёныя разграмілі жодзінцаў 5:1

- у матчы першага круга «Тарпеда-БелАЗ» ў Гродна атрымала ўпэўненую перамогу з лікам 3:0 (М.Скавыш, В.Дземідовіч - 2).

- у папярэднім туры «Нёман» дома перайграў мазырскую «Славію» 3:1 (Ф.Рудзік, П.Савіцкі, А.Анюкевіч), а жодзінцы ў гасцях абыгралі «Белшыну» 3:1 (М.Афанасьеў - 2, В.Дземідовіч ). 8 кастрычніка тарпедаўцы згулялі перанесены матч 16-га тура з мінскімі дынамаўцамі, матч скончыўся ўнічыю 1:1 (Д.Рекіш).

- траўмаваныя: І.Рудніцкі, А.Канцавы, У.Клімовіч (усе - «Нёман»).

- дыскваліфікаваных няма.

Склад на сезон

Пакінуўшыя каманду ў летняе трансфернае акно гульцы адзначаны двума зорачкамі (**), гульцы, якія прыйшлі - адной зорачкай (*).

Поўная статыстыка гульцоў каманды «Нёман» (закладка «Статыстыка»)

Ігар КАВАЛЕВІЧ (галоўны трэнер «Нёмана»):

— Віншую каманду з перамогай. У нас да канца чэмпіянату выбылі ключавыя гульцы – Арцём Канцавы і Ўлад Клімовіч, таму мы адчувалі пэўныя цяжкасці ў лініі атакі. Спрабавалі нешта перакроіць. Камандзе я не магу выказаць прэтэнзіі – гэта футбол. Крыўдна прапускаць мяч пры нічыйнай гульні, на апошніх хвілінах. Пасля гэтай паразы мы станем мацней і будзем рыхтавацца да пакінутых гульняў.

— Вы замянілі рана Яроцкаго?
— Як-та ён не трапіў у гульню. Потым ён сказаў, што не вельмі добра сябе адчуваў. Гэтая замена напрошвалася, яго проста не было на полі.

Ігар КРЫВУШЭНКА (галоўны трэнер «Тарпеда-БелАЗ»):

— Сёння была баявая гульня, нават больш, напэўна, бітва за ачкі была. Можа быць, не столькі было шмат прыгожага футбола. Шмат вырашалі байцоўскія якасці, жаданне. Былі ў нас падыходы, але не хапала апошняй перадачы, шмат бракавалі. Галоўнае вынік, галоўнае, што ўзялі тры ачкі. У барацьбе за трэцяе-чацвёртае месца працягваем удзельнічаць. Гэта самае галоўнае. Падзякую хлопцаў. Як і ў гульні з «Дынама» яны гулялі да канца і забілі гэты гол пад заслону, які і прынёс нам перамогу.

— У вас сёння сотая перамога, віншую. Памятаеце вы сваю першую перамогу, якая з іх была найбольш яркая?​
— Дзякуй. Першая, зразумела, была ў БАТЭ ў 2005 годзе. З кім – я ўжо не помню. Яны ўсё па сваім яркія, любая перамога прыносіць эмоцыі, жаданне працаваць і працягваць чагосьці дамагацца. Сам не лічыў свае перамогі, але пра гэта прачытаў у прэсе. Думаю, што каманда падзеліць са мной гэтую падзею.

— Апошнім часам вам атрымоўваюцца выніковыя замены.
— Вось у другім крузе ў нас хоць ёсць лаўка, і я не баюся выпусціць людзей, ведаючы, што яны не аслабяць гульню, а менавіта ўзмоцняць. Асноўная частка матчаў так і праходзяць. Мы з-за гэтых замен узмацняем у канцы гульню і забіваем. Гэта, напэўна, добры момант для нас.

— Луцэвіч сёння ледзь не ў атацы дзейнічаў.​
— А ён нападніка гуляў. Мы гулялі ў чатыры абаронцы, а ён гуляў нападніка.

Аляксандр ПАЗНЯК (абаронца клуба):

— Чарговая наша параза ў гэтым сезоне. Як думаеш, заслужана ці прайграла каманда, і ці маглі мы ў гэтым матчы разлічваць на іншы вынік?
— Абедзве каманды стварылі па некалькі небяспечных момантаў, таму мяч мог уляцець як у адну браму, так і ў іншую. Калі б мы забілі першымі, а моманты ў другім тайме ў нас былі, то вынік мог быць зусім іншым. У цэлым жа гульня выглядала нічыйнай, і было б лагічным, калі б яна так і завяршылася. А так, на апошніх хвілінах матча мы страцілі канцэнтрацыю пры стандарце і паплаціліся за тое прапушчаным голам.

— Шостая запар гульня з «Тарпеда», у якой наша каманда не забівае галоў, а адпаведна губляе з імі ачкі. Як думаеш, чаму мы ўжо тры сезону не можам ім забіць?
— Шчыра кажучы, я не сачу за статыстыкай і не ведаў да гэтага часу пра такую няўдалую для нас серыю. Раз так, то жодзінцаў, на дадзеным часавым адрэзку, ужо смела можна аднесці ў разрад нязручных для нас супернікаў. Дрэнна, што перад гэтай гульнёй у нас атрымалі траўмы гульцы атакавалай лініі і не змаглі дапамагчы перапыніць гэтую незайздросную серыю. Безумоўна, гэта дапамагло нашаму суперніку зноў захаваць сваю браму ў недатыкальнасці. Хоць, паўтаруся, моманты ў нас для гэтага былі.

— Ты сёння гуляў на неўласцівай для цябе пазіцыі, не там дзе мы прывыклі цябе бачыць – на краі паўабароны, а не абароны. Гэта неяк звязана з адсутнасцю шэрагу траўміраваных гульцоў?
— Дзе гуляць таму ці іншаму гульцу вырашае трэнерскі штаб. У «Тарпеда» добры правы фланг, там у іх гуляе Афанасьеў. Нам з Анюкевічам сказалі не даць яму разбегчыся, стрымаць яго. Я яго павінен быў сустракаць першым. Лічу, што яго нам удалося нейтралізаваць.

— Як табе гуляць у паўабароне?
— Нязвыкла. Усё ж мне больш камфортна гуляць у абароне.

— У наступным туры дома гуляем з «Гарадзеяй». Мы працягваем змагацца за выжыванне, і нам кроў з носу патрэбныя ачкі. Як думаеш, што нас чакае ў гэтым матчы і ў канцоўцы чэмпіянату?​
— Гэта будзе вельмі цяжкі фініш. У матчы з «Гарадзеяй» нам, у што б там ні стала, трэба набіраць тры ачкі, па-іншаму быць не павінна. Мы зробім усё магчымае і немагчымае, каб у Гродна перамагчы. Бо дома нас будуць падганяць нашы заўзятары, і мы проста абавязаны іх радаваць. Думаю, што яны нам дапамогуць даціснуць суперніка гэтак жа, як сёння дапамаглі тарпедаўцам жодзінскія заўзятары.

Арцём ВАСЬКОЎ (паўабаронца клуба):

— Неяк па-асабліваму настройваўся на матч супраць сваёй былой каманды?
— Я не магу сказаць, што я неяк па-асабліваму наладжваюся на такія матчы. «Тарпеда» было проста чарговым супернікам «Нёмана», якога нам трэба было пастарацца абыграць. Ніякіх лішніх думак, ніякай накруткі. З усімі ў «Тарпеда» у мяне добрыя адносіны.

— Тое, што ты не выйшаў у гэтым матчы ў асноўным складзе цябе засмуціла?
— Не. Усё падпарадкавана выніку. Мая справа быць гатовым да гульні, выйсці і прынесці максімум карысці камандзе тады, калі вырашыць трэнерскі штаб. Колькі мне адвядуць часу, я столькі гатовы дапамагаць. Не думаў, што так хутка давядзецца кагосьці замяніць.

— Нядрэнна ўвайшоў у гульню, аднак першыя моманты ў цябе з'явіліся толькі пасля перапынку?​
— Не магу сказаць, што ў першым эпізодзе ўсё зрабіў бездакорна, але гаспадароў выратаваў брамнік. Я прабіў амаль па цэнтры брамы, таму Фамічову, напэўна, не склала працы з ударам справіцца. Больш на сілу выконваў ўдар, хоць і хацеў трапіць у далёкі верхні кут. У другім эпізодзе, пасля розыгрышу штрафнога, я проста не патрапіў у створ брамы з выгадным становішчы. Таму я не магу сказаць, што я выйшаў удала на замену. Было б удала, калі б я прынёс нейкую карысць камандзе – аддаў пас або забіў гол.

— Ці маглі сёння разлічваць на папаўненне ачковага запасу?​
— Маглі пажывіцца не толькі ачком, як я лічу, але і на большае замахнуцца. Свае атакі не давялі да лагічнага завяршэння, а ў канцоўцы сустрэчы страцілі канцэнтрацыю. Я лічу, што мы не заслугоўвалі паразы. Не забіваеш ты, забіваюць табе – гэта сёння пра нас. 

— Нас чакае атамная канцоўка чэмпіянату – «Гарадзея», «Шахцёр», мінскае «Дынама», а затым субраты па няшчасці «Слуцк» і «Нафтан». Як думаеш, што чакае нас у гэтых матчах?
— Я ўпэўнены, што ўсё ў нас атрымаецца і задачу застацца ў Вышэйшай Лізе мы выканаем. Мяркуючы па тым, як каманда цяпер гуляе, па тым, як хлопцы ставяцца да справы – інакш быць не можа.

— Ці можна так сказаць, што ў матчы з «Гарадзеяй» больш верагодна набраць ачкі, чым у матчах супраць «Тарпеда», «Шахцёр» або «Дынама»?
— Я так не лічу. Я не магу сказаць, што якая-небудзь з гэтых каманд ушчэнт мацней нас, а нейкая слабей. Усе супернікі прыкладна аднолькавыя. Да таго ж наш чэмпіянат настолькі непрадказальны, што запланаваць перамогу ні ў адным матчы немагчыма. Усё будзе залежаць ад настрою на кожны асобны матч, нам трэба выходзіць і змагацца. Тым больш, у гэтай цяжкай сітуацыі – нам адступаць няма куды. Кожны матч – гэта асобная гісторыя, у якой трэба выглядаць годна, выглядаць адзінай камандай.