Форма каманд: бардовыя футболкі і трусы – зялёныя футболкі, жоўтыя трусы.

• Вынікі галасавання

  «Віцебск» - «Нёман»: прадкажы вынік сустрэчы

  • перамога гаспадароў
    21%
  • кожнаму па 1 ачку
    17%
  • тры ачкі ўедуць у Гродна
    62%

• Вынікі галасавання

  Назаві лепшага гульца «Нёмана» у матчу супраць «Віцебска»

  • Курганскі Сяргей
    6%
  • Савасцьянаў Яўген
    3%
  • Касмынін Уладзіслаў
    3%
  • Паўлавец Аляксандр
    8%
  • Пазняк Аляксандр
    3%
  • Ражок Сяргей
    6%
  • Рудзік Філіп
    2%
  • Васькоў Арцём
    7%
  • Канцавы Арцём
    5%
  • Бомбель Артур
    29%
  • Савіцкі Павел
    14%
  • Яроцкі Яраслаў
    7%
  • Лешка Яўген
    4%
  • Горбач Андрэй
    3%

Ігар КАВАЛЕВІЧ (галоўны трэнер футбольнага клуба «Нёман»):

— Маё рэзюмэ – нічыя 1:1. Добры быў матч, з роўнымі шанцамі на поспех. Да канца матчу гульня трымала ў напрузе, таму я думаю, што лік заканамерны.

— Вынікам задаволены ці не?

— У нашай сітуацыі набыццё ачкоў заўсёды станоўча. Тым больш, што каманда «Віцебск» добра гуляючая каманда, добры супернік. Вядома, мы разлічвалі перамагчы, але «Віцебск» разлічваў сапраўды гэтак жа.

— Як сумяшчаецца ў клубе і маладзёжке?

— Ёсць жа памочнікі. Калі я працаваў у алімпійскай зборнай і галоўным трэнерам «Нафтана», то ў клубе мяне не было каля месяца. Аднак гэта не перашкодзіла нам заваяваць кубак. Ёсць кваліфікаваны памочнік, які разумее футбол, разумее мае патрабаванні. Таму не думаю, што мая адсутнасць неяк адбілася, калі я чатыры дні быў у зборнай. Праблем ніякіх не бачу.

Сяргей ЯСІНСКІ (галоўны трэнер футбольнага клуба «Віцебск»):

— Я пагаджуся з калегам. Гульня абсалютна роўных супернікаў. Вядома, мяне некалькі здзіўляюць некаторыя каментары з трыбун. Што каманда Гродна знаходзіцца на апошнім месцы, а мы ледзь ці не ў медалях, і таму мы павінны накідаць ім цэлую сетку. Неяк не вельмі гэта справядліва ў адносінах да суперніка, які мае добры набор кваліфікаваных футбалістаў. Яны матываваныя, ўмеюць гуляць у футбол. Самае галоўнае, што яны б'юцца. Калі ў першым крузе ў іх нешта там не атрымлівалася, як нешта не ладзілася, нешта ўнутры бачна было не зусім так. Але гэта не значыць, што яны развучыліся гуляць у футбол. Таму сказаць, што мы павінны былі абыграць гэтага суперніка – не. Маглі б, але па сённяшняй гульне шанцы былі роўныя ў абодвух каманд. Мы стварылі не так шмат момантаў, супернік стварыў не так шмат момантаў, больш было барацьбы. Гледачам зразумела, не вельмі падабаецца глядзець на барацьбу, на адзінаборствы, якіх сёння было вельмі шмат на полі. Ні адна з каманд не хацела саступаць ні пядзі зямлі, ні аднаго мяча, ні аднаго адзінаборства. Таму з пункту гледжання прафесіянала, гэта сапраўды быў вельмі дыхтоўны матч, баявы, з высокім градусам. Тое, што ў нас так мала атрымлівалася наперадзе, гэта не наш недахоп, гэта заслуга суперніка. Магу толькі адно сказаць у апраўданне. Мабыць усё ж такі мы гулялі ў панядзелак. Тры дні не так ужо шмат каб аднавіцца цалкам, пасля гульні з «Белшынай», якая апынулася энергавыдатковай. На аднаўленне было не так шмат часу і нам не хапала свежасці. Гэта адчувалася, мы ледзь-ледзь не дабягалі і павольней працавалі з мячом. Магчыма, гэта неяк адбілася на нашых атакуючых дзеяннях. Але з іншага боку, нам ачкі патрэбныя не менш чым суперніку. Я лічу, што гэта заслужана заробленае ачко усё адно ў нашу скарбонку лягло.