Форма команд: синие майки и трусы — жёлтые майки и трусы.

Першы матч сапернікаў у рамках чэмпіянату Беларусі адбыўся амаль 24 гады таму. 30 траўня 1992 года ў Гродна мясцовы «Хімік» дзякуючы голу Юрыя Мазурчыка ў самым пачатку сустрэчы атрымаў важную перамогу. Імклівую атаку арганізавалі ўтрох Сяргей Гурэнка, Віктар Юйко і Сяргей Кукалевіч. Гурэнка на флангу разабраўся з супернікам і выдаў пас у штрафную, на ўбягаючага Юйко. Паўабаронца своечасова заўважыў Кукалевіча, які рухаўся паралельным курсам і адкінуў таго мяч. Удар адразу прыняла на сябе штанга, а вось з дабіванне Мазурчыка брамнік справіцца ўжо не мог. Лік яшчэ не раз мог змяніцца як у адзін, так і ў іншы бок, аднак галоў у матчы больш не здарылася.

Лічбы нашага супрацьстаяння з Брэстам тут

Першую паразу ў суверэннай футбольнай гісторыі гродзенскага клуба ад берасцейцаў датаваны вераснем 1993 года. Прычым прайгралі жоўта-зялёныя ў Гродна. У Брэсце парадаваць мясцовую публіку атрымалася нашмат пазней. Дома дынамаўцы змаглі перайграць адвечнага суперніка толькі ў сёмым чэмпіянаце Беларусі, адбылася гэта падзея ў ліпені 1997 года. На сённяшні дзень у Брэсце каманды ў рамках чэмпіянату краіны правялі 26 матчаў. Перавага гаспадароў выяўляецца толькі ў розніцы забітых і прапушчаных мячоў: +9=8-9 (мячы 27-34).

ПАКУЛЬ БЕЗ ВЫНІКА

Пасля цяжкага мінулага сезону, па выніках якога брэсцкай камандзе ўдалося захаваць прапіску ў наймацнейшым дывізіёне, у шэрагах каманды адбыліся сур'ёзныя змены. З-за фінансавых праблем не працягнулі пагаднення чатырнаццаць гульцоў! Хтосьці сышоў у іншыя каманды Вышэйшай Лігі Беларусі (Дудар, Кавалеўскі, Кандрацьеў, Перапечка, Чэлядка, Клапоцкі, Шчэрба, Паўлюковец і Салавей), а хтосьці адправіўся нават у другой па сіле дывізіён краіны (Ражкоў, Жаўнераў, Юрчанка). Але самая вялікая страта для «Дынама» – гэта Раман Васілюк. Без яго атакуючы патэнцыялкаманды рэзка знізіўся. Пра што сведчаць вынікі каманды ў гэтым годзе.

У рамках падрыхтоўкі да чэмпіянату берасцейцы сыгралі 9 кантрольных матчаў, у якіх забілі ўсяго 6 галоў. Тры з іх прыйшліся на матч супраць бабруйскай «Белшыны», працягласць якога складала 120 хвілін. Перамога над шыннікамі апынулася для дынамаўцаў адзінай у гэтым міжсезонне. Яшчэ два мячы былі забітыя ў браму гродзенскага «Нёмана», праўда, у двух матчах. Абодва матчы прайшлі ў Брэсце, і абодва скончыліся перамогай гасцей.

Вынікі таварыскіх гульняў: Славія – 0:4, Граніт-Мікашэвічы – 0:0, Граніт-Мікашэвічы – 0:1, Нёман – 1:3 (Цеван, з пенальці), Белшына – 3:2 (Комлеў, Імаеў, Назаранка), Славія – 1:1 (Шэпелеў), Нёман – 1:2 (Дыбін), Славія – 0:0, Тарпеда-БелАЗ – 0:1.

На жаль, для брэсцкіх заўзятараў з прыходам афіцыйных гульняў нічога не змянілася. Бела-сінія з першага тура апусціліся на апошні радок у турнірнай табліцы і застаюцца там і па гэты дзень. У трох турах «Дынама» прапусціла 11 мячоў, засмуціла суперніка толькі тройчы. Як следства, дзве буйныя паразы і нуль набраных ачкоў.

• Вынікі галасавання

  «Дынама-Брэст» - «Нёман»: прадкажыце вынік матчу

  • першая перамога «Дынама»
    25%
  • мір
    17%
  • першая перамога «Нёмана»
    58%

ЗАЯЎКА

Галоўны трэнер – Сяргей Пятровіч КАВАЛЬЧУК (1973).