Яшчэ адзін расіянін прыбыў на прагляд Вярнуцца да спісу
Паўабаронца іжэўскага «Зеніта» Мікіта Васільеў (23.03.1992; рост - 191 см, вага - 85 кг) у абед прыбыў у Гродна і ў другой палове дня разам з камандай выйдзе на вячэрнюю трэніроўку.
Выхаванец футбольнай школы маскоўскага «Спартака» ў студні 2012 года ў складзе моладзевай зборнай Расіі U-21 стаў уладальнікам Кубка Садружнасці. Дарэчы, фінальны матч супраць моладзевай зборнай Беларусі U-20 яму давялося прапусціць з-за двух папярэджанняў, якія ён атрымаў у матчах плэй-оф супраць Малдовы і Латвіі. Яго гол латышам быў пераможным і вывеў расіянаў у фінал турніру, аднак жоўтая картка, атрыманая на першай дададзенай арбітрам хвіліне сустрэчы, закрыла паўабаронцу магчымасць згуляць у галоўным матчы турніру. Тым не менш, гэта не перашкодзіла Васільеву стаць лепшым паўабаронцам турніру.
Выступаў за маладзёжную каманду маскоўскага «Спартака», наварасійскі «Чарнаморац», маскоўскае «Тарпеда», «Растоў», «Калугу», навачаркаскі МІТОС, «Алімпіец» з Ніжняга Ноўгарада і іжэўска «Зеніт-Іжэўск». За асноўны склад «Растова» сыграў тры гульні.
